في هجوم غير متوقع.. لميس الحديدي تهاجم المشير “طنطاوي”: نزلت الميدان ليه؟! “فيديو”

0

في واقعة غريبة، وربما تعكس عدم رضا العديد من الأجهزة السيادية عما حصل، استنكرت الإعلامية لميس الحديدي، زيارة المشير محمد حسين طنطاوي، وزير الدفاع الأسبق، إلى ميدان التحرير، تزامنًا مع مظاهرات ثورة الغلابة، قائلة: “هحاول اتكلم بأدب بس أنا مش فاهمة بجد هو كان نازل ليه؟، هو كان عنده مشوار في وسط البلد فقرر يعدي عشان يطمئن”.

 

وأضافت الحديدي، في برنامجها “هنا العاصمة” المذاع على قناة “CBC”، متسائلة: “هو كان رايح يعزي مثلا؟، أو رايح حتة في وسط البلد، لأن آخر مرة شوفناه في الميدان لما قرر يقلع البدلة العسكرية ويلبس المدنية أيام أحداث محمد محمود، ومفهمناش وقتها هو نازل ليه، لكن دلوقتي أكيد فيه سبب، وهو مش مواطن عادي عشان ينزل كده”.

 

وتابعت: “طنطاوي أحد قيادات الجيش، وفي عهده الدولة صحيح اتسلمت للإخوان، لكن كان فيه انتخابات، وبالتالي فيه علامات استفهام كثيرة على اللي حصل، وعليه أن يقول الحقيقة من وجهة نظره، يعني هو سلم الدولة للإخوان ولا كانوا بيعملوا إيه وقتها، فيه أسئلة كثيرة جدًا”.

 

واستكملت: “أنا بس سؤالي هو نزل الميدان ليه؟!، وحشه؟، كان عنده مشوار؟، رايح يعزي؟، لكن الحقيقة إن المسئول لازم يحسب تحركاته، حتى لا يثير غضب الناس، لأن الكثير من الناس انزعجت من تواجده في الشارع، في نفس الوقت والمكان، ويا ترى وجوده في المكان أضاف له ولا خصم منه، أسعدنا ولا ضايقنا، أعتقد إن ناس كثير مكنتش تحب تشوفه في الشارع”.

https://www.youtube.com/watch?v=wouLDyUZKSs

قد يعجبك ايضا
اترك رد

لن يتم نشر عنوان بريدك الإلكتروني.

This website uses cookies to improve your experience. We'll assume you're ok with this, but you can opt-out if you wish. Accept Read More