الرئيسية » حياتنا » “سعد الصغير” يتضامن مع “تامر حسني” بعد السخرية منه بنشر هذه الصورة

“سعد الصغير” يتضامن مع “تامر حسني” بعد السخرية منه بنشر هذه الصورة

بعد السخرية التي أُثيرت على مواقع التواصل الإجتماعي، من صورة قديمة للفنان المصري تامر حسني، أعلن عدد من الفنانين تضامنهم معه، وكان من بينهم الفنان سعد الصغير.

 

“سعد” تضامن مع الفنان تامر حسني، رداً على منتقدي صورته في فترة المراهقة، بنشر صورة له وهو شاب، مؤكداً أن الفنان يواجه العديد من الصعوبات أثناء مشواره الفني، حتى يصبح فنانا مشهورا، وأنه تعرض لنفس الموقف بنشر صورة هو ووالدته أثناء تناولهما الطعام.

 

وكتب سعد الصغير على صفحته الرسمية على فيس بوك قائلا: “بعد إذن حضراتكم ممكن تشوفوا الكلام ده كويس ويا ريت للآخر.. اليومين دول شايف كفنان متابع كل ما هو جديد على ناس بتتريق على صورة الفنان المحترم تامر حسنى.. المشكلة مش هكلم علشان تامر بس المشكلة.. نفسى كل واحد يعرف الفنان أو أى حد تعب فى المجال بتاعه لغاية لما بقى فنان ومشهور عمل إيه فى حياته من وهو صغير”.

وأضاف سعد الصغير قائلاً: “يعنى أنا فى الصورة دى من وأنا صغير وكنت شاب لسه ولا قادر اتكسف انزلها ولا أى حاجة وأنت ياللى بتتريق شوف نفسك مش من وأنت صغير شوف من كام سنة شكلك كان عامل إزاى ودلوقتى فى اختلاف كبير إزاى”.

 

وقال سعد الصغير: “نركز شوية بقا فى الكلام اللى جاى أقسم بالله أنا اشتغلت كل شغلانة فى الدنيا حضرتكو تتخيلوها، وكل فنان محترم أكترهم كانوا كدا علشان يوصلوا للى هما فى دلوقتى.. من تحت الصفر.. لغاية ما عملت نفسك بنفسك علشان كان حلم من وأنت صغير بتحبه ونفسك لو توصل بس لو حاجة منه”.

 

وتابع سعد الصغير: “أنا عن نفسى والله تعبت أوى أوى ونفس النظام حصلى فى سنة من السنوات صورة ليه أنا وأمي بناكل زى أى حد وكتبوا سعد الصغير وهو فقير الفقر لا يمكن يكون عيب أو أى حاجة بالعكس بيصنع رجال فيه يقدر يعتمد على نفسه فى حياته الشخصية والمسئولية.. أسال نفسك لاعب كرة القدم من عرق ومن شمس بتتعبوا ومن تمارين، واسأل نفسك من فنان سهران طول الليل وتصوير وتعبان علشان أكل العيش فى الآخر وصنع نفسه ويبقى مشهور.. لو سمحت ياريت قبل ما نتريق شوف ده بقى أى وأنت أى مع احتراملا للجميع شكرا”.

 

يشار إلى أن تامر حسني ردّ على منتقدي صورته في تدوينة له على صفحته على موقع “فيسبوك”، جاء في نصّها: “لمن يهمه الأمر .. من يومين نزلت صوره ليا وانا صغير وشغلت ناس كتير وفضلوا يتريقوا على الصوره في الحقيقه اني فالوقت ده فعلاً كنت بحاول اقلد المشاهير في صورهم وافلامهم وحراكاتهم وبغض النظر عن ان فالوقت ده كانت الموضات شبه كده وانا بقول شبه كده لأني كنت ولد صغير معندوش فلوس نهائي يشتري لنفسه حاجه غاليه ولا عنده اب يشتريله حاجه اصلاً”.

 

وتابع: “اللي عايز اقوله اني من يوم الصوره دي وانا حالف اني اتصورها بجد وانا مشهور الصوره دي بتثبت لأي شاب ايجابي ان مفيش مستحيل واللي عايز يتريق على الولد اللي فالصوره هقوله يارب تنجح زيه انا فخور بالصوره دي وانهارده بقول للولد الصغير ده انت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك وكمان اشتغلت شغلانات كتير فيها شقى وتعب عشان تصرف على اهلك من وانت فالسن ده شكراً يا ولد يا صغير اصرارك عمل مني راجل انسان فنان اسمه تامرحسني”.

قد يعجبك أيضاً

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.