قصة لقاء جمع المخلوع مبارك بالراحل محمود عبد العزيز: “أنا زعلان يا ريس” “فيديو”

0

قصَّ الفنان المصري أحمد شاكر، كيف تعرف على الفنان الراحل محمود عبدالعزيز، مشيرا إلى أنه كان يسكن في البناية ذاتها التي كان يعيش بها “الساحر”، كاشفا عن موقف تعرض له الراحل مع المخلوع محمد حسني مبارك، عقب سفر الفنان إلى السعودية، أدى إلى حصوله على دور البطولة في المسلسل الشهير “رأفت الهجان”.

 

وقال “شاكر” خلال مشاركته في برنامج “الستات ميعرفوش يكدبوا”، المذاع على قناة “سي بي سي”: “أنا علاقتي به ابتدت بأن أنا كنت ساكن معاه في نفس العمارة، قبل ما أطلع ممثل أصلًا، ولما قلتله أني عايز أدخل المجال الفني كان بيحاول يبعدني الأول، ويقولي المجال صعب وهتشوف تيار من الناس، وأنت في مدرسة ألماني فاطلع طيار ولا مهندس بقى، ولما لقاني مصمم حاول يساعدني، وعشت معاه مواقف كتير شخصية”.

 

وأضاف “شاكر”: “كان بيقولي إنت عارف دور رأفت الهجان ده أنا أخذته إزاي، قلتله لا، قالي أنا كنت مترشح للدور أول ترشيح، قالي وعرفت أن في نجم كبير حاول ياخذ الدور مني، قلتله وعملت إيه، قالي سيبتها على ربنا”.

 

وتابع: “أخدت ولادي وطلعت عمرة للسعودية، والناس هناك بتحبني، وكنت قاعد عند حد من الأسرة المالكة وقالوا لى ده فيه زيارة والرئيس مبارك جاي، فراحوا لبسوني الزي الوطني السعودي، ووقفت معاهم، فالرئيس شافني قال: إيه ده شبه محمود عبدالعزيز، كلهم ضحكوا، وقلتله هو أنا يا فندم، وجاي هنا علشان حصل كذا كذا وقلت أسافر في عمرة وأنا زعلان يا ريس، قاله لا أنت اللي هتعمل الدور، ورجعه مصر وأصر أنه يعمل الدور”.

 

وكشف “شاكر” أن “الاختيار كان بينه وبين عادل إمام”، مضيفا: “قاللي علشان عادل ميبقاش متضايق قلتله إيه يا أبو رامي شوف الفيلم وقوللي رأيك كده”.

 

قد يعجبك ايضا
اترك رد

لن يتم نشر عنوان بريدك الإلكتروني.

This website uses cookies to improve your experience. We'll assume you're ok with this, but you can opt-out if you wish. Accept Read More