عمرو أديب: مقربون من السيسي باعوه لاستشعارهم أنه “مش هيكمل”

أكد الإعلامي المصري عمرو أديب أن كثير من المقربين للرئيس عبد الفتاح السيسي “باعوه” .. مضيفًا : “لا أقصد أنهم اختلفوا معه لكن أقول أنهم باعوه” .

 

وأضاف: امبارح والنهاردة في ناس كانت مع الرئيس عبد الفتاح السيسي وباعوه .. مش اختلفوا معاه .. انا مش بتكلم على ناس كانت مؤيدة ومهللة فقط بل بتكلم عن ناس كانت “مطبلة” وكانوا وصلوا لمرحلة بتخليهم عندهم علاقات جوة وبرة لكن اللي حصل انهم كلهم قرروا يبيعوه تماما ويغسلوا ايدهم منه تماما “بحسب تعبيره” .

 

وأردف: باعوه لان الثورة عندنا في مصر فوبيا وناس كتير حست ان الفترة الجاية هتبقى شبه 25 يناير فقالوا ينطوا من الاوتوبيس .. وقالوا واضح ان الراجل دة مش مكمل أوي او مش قاعد اوي .. انا عايز اسجل في كتاب التشريفات اني مش معاه ومش مؤيده عشان لما تيجي الثورة يقول انا قلت انا ضد السيسي وقولتله ارحل “بحسب قوله”.

 

وتابع : انا عايز اخص بالذكر الناس اللي كانت بتروح الاتحادية وقصر الرئاسة وبعضهم خافوا وتراجعوا و بعضهم قرروا انه يرحل “بحسب وصفه”